Украинска армија: Русија распоредува оружје во соседна Белорусија

1 min read

Вооружените сили на Украина објавија дека Русија распоредува оружје во соседна Белорусија. Тоа е, како што тврдат, нов руски план – сакаат да го опкружат главниот град Киев.

„Целта е да се обидат да се подготват и изведат офанзивни операции за опсадата на градот Киев“, се вели во соопштението на вооружените сили.

„Руското воено раководство почнува да сфаќа дека расположливите сили и ресурси не се доволни за одржување на привремено окупираните територии на Украина и спроведување одбранбени операции.

Руските сили исто така собираат опрема на Крим. Тие трпат значителни загуби“, беше соопштено.

Украинското Министерство за одбрана претходно соопшти дека украинските војници ги потиснале руските сили од некои области околу главниот град Киев.

Портпаролот на Министерството за одбрана на Украина, Олександр Мотузијаник рече: Во некои сектори, непријателот е потиснат повеќе од 70 километри, а во некои е оддалечен 35 километри.

„Русија не се откажа од тоа дека ќе го опколи и окупира Киев“, рече Мотузијаник. Без да наведе докази, тој рече дека Кремљ испратил дополнителна воена опрема во Белорусија за да ги зајакне своите војници кои го напаѓаат украинскиот главен град.  (МИА)

kurir.mk

Претходно

ФОТО: Снегот на Попова Шапка искористен за вежбата „Спасување од Лавина 2022“

Следно

Милановиќ: Хрватска не е дел од БиХ, а богами ниту Србија или Русија

Latest from Blog

MacedonianEnglishAlbanian