Tри големи пожари попладнево во струмичко

1 min read

Струмичките пожарникари попладнево гаснеле три пожари на отворено во регионот, од кои најголем бил тој во атарот на село Габрово, кој избувнал во 11:30 часот и зафатил сува трева, грмушки и дел од нискостеблеста шума на површина од околу 4 хектари.

Според информациите од ТППЕ Струмица пожарот е изгаснат околу 17:30 часот и во неговото гаснење учествувале четири противпожарни возила и девет пожарникари.

Попладнево пожар избувнал и во близина на патот до селото Просениково, каде исто така била зафатена сува трева, трска и грмушки. И таму пожарникарите интервенирале со повеќе против пожарни возила и десет пожарникари.

Денеска единицата на ТППЕ Струмица во Ново Село го гаснеа и пожарот на тамошната депонија, која гори од вчера.

Како што информираше командирот на ТППЕ Струмица, Александар Гудев во гаснењето на трите пожари биле вкупно ангажирани 25 пожарникари и 6 противпожарни возила.

Извор: МИА

www.slobodenpecat.mk

Претходно

 У21: Фудбалерите поразени од Србија и го загубија третото место на табелата

Следно

Украина и Русија разменија затвореници

Latest from Blog

MacedonianEnglishAlbanian