На денешен ден пред 23 години започна НАТО бомбардирањето на Србија и Црна Гора, кои тогаш беа во заедница во рамките на Сојузна Република Југославија, поради нападот што го извршија во Косово. Оваа годишнина се слави на различни начини во Србија и Косово. Комеморацијата ќе се одржи и во Бања Лука, каде во вечерните часови ќе се огласат сирените и ќе се изгаснат светлата на зградите.
Централната комеморација во Србија ќе се организира во Краљево, а ќе присуствува и претседателот на Србија, Александар Вучиќ. Заедно со манифестациите ќе бидат положени цвеќиња и венци на настраданите.
Бомбардирањето заврши на 10 јуни, со усвојување на резолуцијата 1244 на Советот за безбедност на ОН и повлекување на армијата и полицијата. Преговорите се одржаа во Рамбује и Париз во февруари и март 1999 година.
Според неофицијални српски извори, загинале околу 2.500 цивили и околу 1.000 војници и полицајци. Во бомбардирањето, кое траеше 78 дена, сериозно беше оштетена инфраструктурата, деловните субјекти, здравствените установи, медиумските куќи и воените објекти.
Во Косово овој ден се слави како ден на ослободувањето.
„Пред 23 години НАТО интервенираше за да го запре тековниот геноцид врз народот на Косово. Остануваме вечно благодарни на нашите сојузници за поддршката на нашиот пат кон слободата и демократијата. „Сега повеќе од кога било, демократскиот свет мора да се сеќава на оваа успешна приказна“, рече косовскиот претседател Војша Османи.
23 years ago, NATO intervened to stop the ongoing genocide committed against the people of Kosovo.
We remain eternally grateful to our allies for supporting our path towards freedom & democracy.
Now more than ever, the democratic world must remember this success story! pic.twitter.com/EURUDKgtsY
— Vjosa Osmani (@VjosaOsmaniPRKS) March 24, 2022
