Ердоган: Русија и Украина се согласуваат за технички прашања, но не и за Крим

1 min read

Турскиот претседател Реџеп Тајип Ердоган денеска изјави дека Киев и Москва се согласуваат за техничките прашања во мировните преговори, но додаде дека двете страни се уште се поделени кога станува збор за територијални прашања како што е Крим.

Обраќајќи им се на новинарите во Брисел по самитот на НАТО, Ердоган истакна дека резолуциите усвоени од Алијансата не треба да се сфатат како закана за Русија или која било трета земја, туку треба да се гледаат како средство за одвраќање.
Турција, која е членка на НАТО, дели поморска граница со Украина и Русија во Црното Море, има добри односи со двете земји и понуди да посредува во конфликтот.

Ердоган нагласи дека главна цел на Турција во посредничките напори е да ги доведе украинскиот и рускиот претседател, Володимир Зеленски и Владимир Путин на разговори. (МИА)

kurir.mk

Претходно

Германска делегација кај вицепремиерката Грковска се интересираше за дијалогот Скопје – Софија

Следно

Вучиќ: Курти реши да ги нападне Србите

Latest from Blog

MacedonianEnglishAlbanian