Шведска испраќа дополнителни 5.000 противтенковски оружја во Украина

1 min read

Шведската Влада денеска соопшти дека на Украина ќе и бидат испратени дополнителни 5.000 парчиња противтенковско оружје.

Одлуката е објавена пред утрешното обраќање на украинскиот претседател Володимир Зеленски пред членовите на шведскиот Парламент.

-Шведска двојно ќе го зголеми својот придонес за вооружените сили со 5.000 противтенковски оружја и опрема за деминирање, напиша на Твитер шведската министерка за надворешни работи Ен Линде, при тоа поздравувајќи ја новата „историска одлука“.

Портпаролот на шведското Министерство за одбрана потврди дека ќе бидат испратени ракетни фрлачи од класа АТ-4 односно истиот модел што веќе е испратен до украинската армија во 5.000 примероци.

Шведска ја прекина својата неутралност на крајот од  Студената војна, но официјално останува надвор од воените сојузи. Земјата не е членка на НАТО, иако е партнер на Алијансата од средината на 90-тите години од минатиот век.

Шведска првпат од 1939 година ја прекина политиката со која се забранува извоз на оружје во земја во војната.  (МИА)

kurir.mk

Претходно

Манчини: Македонија има добра техника, не заборавајте дека таа ја победи Германија!

Следно

ФОТО | Се ожени Асанж: Невестата пристигна во раскошна венчаница во затворот

Latest from Blog

MacedonianEnglishAlbanian