Груби до Мицкоски: Неговата партија има многу членови кои влегоа „голтари“ а излегоа милионери од политика

1 min read

Има многу членови во ВМРО-ДПМНЕ кои влегоа како „голтари“, а излегоа како милионери од политиката, рече првиот вицепремиер Артан Груби  во дебатниот магазин Клик Плус на ТВ21, еден ден после изјавата на Мицкоски дека во политика денес политичари влегуваат како „голтари“, а излегуваат како милионери. Според Груби, ДУИ е единствена партија која нема корупциски афери и скандали.

Го повикувам Мицкоски да се обрати до обвинителство ако има докази за корупција. Тоа што Мицкоски го зборува може да земе пример од неговите поранешни партиски членови, кои влегоа „голтари“ а излегоа милионери од политиката“, рече Груби.

Тој претходно рече дека не го познава доволно Мицкоски, но изрази надеж дека тој е за членство во ЕУ.

„Нас ни треба опозиција која не се среќава со рускиот амбасадор. Без разлика што Апасиев се сретна со него, но сепак сакам да верувам дека ВМРО не се во коалиција со Левица. Сакам да верувам дека опозицијата е ориентирана кон западните вредности. Не го познавам од ова ВМРО ДПМНЕ, не го познавам доволно добро Мицкоски и не знам какви вредности споделува Мицкоски, но сакам да верувам дека споделуваме исти вредности“, додаде Груби.

 

Мицкоски претходно истакна дека во државава имаме политичари што голтари влегуваат во политика, а излегуваат милионери и милијардери, кои после тоа отвораат дури и фондации.

www.slobodenpecat.mk

Претходно

Дневен хороскоп за 22 март: Ќе се чувствувате добро

Следно

Арсовска на средба со швајцарската амбасадорка Улман: Проекти преку програмите за поддршка

Latest from Blog

MacedonianEnglishAlbanian