Украина го одби руското барање за предавање на Мариупол

1 min read

Заменик претседателката на украинската Влада, Ирина Верешчук синоќа изјави дека е одбиена руската понуда за предавање на Мариупол.

– Има осум страници на кои пишува за историја и други глупости. Тие го испратија истото писмо до ОН, Меѓународниот комитет на Црвениот крст и се надеваа дека меѓународните структури ќе реагираат и ќе почнат да вршат притисок врз Украина. Тоа не се случи. МКЦК и ОН разбираат дека тоа е руска манипулација и дека луѓето се држат како заложници, истакна таа.

Украина бара Русите итно да ги отворат хуманитарните коридори.

– Не може да се зборува за никакво предавање, за положување на оружјето. За тоа веќе ја информиравме руската страна. Напишав: Наместо да губите време на осум страници писма, само отворете го коридорот, изјави Верешчук.

Претходно, руското Министерство за одбрана соопшти дека Украина има рок до денеска во раните утрински часови да даде одговор за предавање на Мариупол.

kurir.mk

Претходно

Денес се празнува: Свети Теофилакт, епископ Никомидиски

Следно

Виц на денот: Пананормална

Latest from Blog

MacedonianEnglishAlbanian