Дерала: Група медиуми во Северна Македонија шири лажни вести за Украина

1 min read

Уште од самиот почеток, војната во Украина го наполни медиумскиот простор во Северна Македонија со лажни вести и дезинформации кои имаат за цел ширење на строго утврдена пропагандна кампања, вели Џабир Дерала од невладината организација „Цивил“.

Тој за Гласот на Америка на македонски јазик вели дека ова е нешто што „Цивил“ го регистрира секој ден.

„Постои една групација од медиуми кои се жестоко вклучени во дезинформациските кампањи повеќе од кога било порано, на кои очигледен спонзор, поттикнувач и архитект е токму Кремљ“, вели Дерала.

Тој вели дека овие медиуми се трудат да создадат антизападен сентимент во јавноста.

„Една подземна и не толку очигледна кампања, која е наменета да се создаде атмосфера, односно сентимент, кој е антизападен, а секако во корист на руската страна. Имаме голем дел случаи на релативизација на фрукталната агресија врз цивилното население во Украина“, вели тој.

Овие кампањи со дезинформации и пропаганда се внимателно конструирани и тие се насочени кон одредени таргет-групи, додава Дерала.

„Некои од нив се за поширока публика, која има причини, реални или нереални, да биде антизападна. Има друга таргет-група, која на еден суптилен и покомплексен начин се привлекуваат луѓето кои се креатори на јавното мислење. Но, се забележува и една тенденција во која се гледа едно добро професионално изработено четиво, позади кое стојат добро платени професионалци што си ја знаат работата“, вели Дерала.

www.slobodenpecat.mk

Претходно

Барди: Во денешниот фудбал нема фаворити, и тие може да имаат лош ден

Следно

ОН уште еднаш ќе ја повикаат Русија да ја прекине воената операција во Украина

Latest from Blog

MacedonianEnglishAlbanian