Подмладок во скопската зоолошка, се родија три лавчиња

1 min read

Денеска на 20-ти март Денот на среќата, на задоволство на сите граѓани, од градот скопје информираат за убави вести. По повеќе од 20 години во скопската Зоолошката градина се родија три лавчиња.

Градоначалничката на Град Скопје Данела Арсовска денеска беше на увид во живеалиштето на лавчињата.

„Ова е една од најубавите работи кои се случиле во Зоолошката градина во Скопје, лавчињата се одлично згрижени, а вработените во Зоолошката градина со професионалност и внимание се грижат за мајката и малите да се безбедни и да ги имаат сите услови во внатрешното живеалиште каде што се постојано набљудувани, истакна градоначалничката Арсовска.

„Лавчињата се стари само неколку дена, а посетителите ќе имаат можност да ги видат кога ќе бидат доволно возрасни да можат самостојно да се движат низ надворешното живеалиште“, истакна директорот на Зоолошката градина – Скопје, Кристијан Стаменов.

Градот Скопје ги известува сите љубители на животни и посетители на ЗОО – Скопје, дека во идниот период ќе имаат прилика да учествуваат во давањето имиња на трите лавчиња.

skopjeinfo.mk

Претходно

Пораст на бројот на заболени од ковид-19

Следно

УНХЦР: Досега 10 милиони луѓе ги напуштиле своите домови во Украина

Latest from Blog

MacedonianEnglishAlbanian