Повеќе од 3,3 милиони бегалци ја напуштиле Украина по руската инвазија

1 min read

Повеќе од 3,3 милиони бегалци ја напуштиле Украина по руската инвазија, соопштија денеска ОН додека речиси 6,5 милиони се смета дека се внатрешно раселени во државата.

УНХЦР, агенцијата за бегалци на ОН, соопшти дека 3.328.692 Украинци заминале од почетокот на војната на 24 февруари, а уште 58.030 се приклучиле на егзодусот по вчерашното ажурирање.

Околу 90 отсто од оние што побегнале се жени и деца. Украинските мажи на возраст од 18 до 60 години поради воен повик и не можат да заминат.

Меѓународната организација за миграција (ИОМ) на ОН, исто така, соопшти дека од средата, 162.000 државјани на трети земји ја напуштиле Украина.

Уште милиони ги напуштија своите домови, но остануваат во границите на Украина.

Околу 6,48 милиони луѓе се проценува дека се внатрешно раселени во Украина од средата, по студијата на ИОМ. УНХЦР првично процени дека до четири милиони луѓе би можеле да ја напуштат Украина.

kurir.mk

Претходно

Фото: Работна сабота за Муцунски, чисти светнаа неколку локации во Аеродром

Следно

Ќерката на Песков за санкциите на Русија: Западните земји не разбираат како функционира рускиот систем

Latest from Blog

MacedonianEnglishAlbanian