Управата на Манчестер јунајтед ги прегледува и анализира видео снимките од безбедносните камери за да ги идентификува навивачите кои фрлаа разни предмети по тренерот на Атлетико Мадрид, Диего Симеоне по поразот во реванш натпреварот од осминафиналето во Лигата на шампионите.
Јунајтед загуби од Атлетико Мадрид со 0:1 во реванш натпреварот што се играше на „Олд трафорд“ и го заврши настапот во ЛШ бидејќи првиот натпревар заврши без победник 1:1.
The anger expressed by MANU fans was uncouth.Notice the frustration was real and emotional. Dreams can really come true at Old Trafford. Congs to Simeone and the Boys. pic.twitter.com/GwZCMZsZIc
— Abure Karekoona (@aburekarekoona) March 16, 2022
Разочарани од поразот и од елиминацијата на нивните фудбалери, домашните навивачи за завршување на натпреварот со чаши и шишиња го гаѓаа Диего Симеоне додека одеше кон тунелот. Поради овој инцидент УЕФА објави дека го чека извештајот на делегатот пред да одлучи за наредните чекори кои можат да донесат казна за Јунајтед.
Манчестер јунајтед објави дека по откривање на идентитетот на навивачите што фрлаа предмети по Симеоне, тие ќе добијат неколкугодишна забрана за влез на стадионите, а ќе бидат пријавени и на полицијата.
