Јакимовски и Арсовска се договорија за заеднички инфраструктурни проекти

1 min read

Градоначалникот на општина Карпош, Стевче Јакимовски информира дека остварил средба со градоначалничката на Град Скопје, Данела Арсовска при што разговарале за заеднички инфраструктурни проекти и координирано решавање на проблемите.

На средбата присуствувале и претставниците на урбаните заедници од Карпош, раководителите на сектори и одделенија од општинската администрација, како и претставниците на осумте јавни претпријатија кои функционираат во рамки на Градот Скопје.

-Ги забележавме заедничките проблеми за кои се надлежни Општина Карпош и Град Скопје, за да можат двете институции коoрдинирано да дејствуваат и да функционираат организирано во интерес на граѓаните од оваа локална самоуправа. Исто така разговаравме и за заеднички инфраструктурни проекти како што се паркови, кејот на реката Вардар, атмосферски и фекални канализации и изградба на улици во надлежност на Град Скопје.

Договоривме овој тип на работни состаноци да се одржува на месечно ниво, при што ќе се ажурира напредокот на преземените активности и ќе се утврди актуелната состојба и потребата од дополнителни мерки кои треба да се реализираат, објави Јакимовски.

skopjeinfo.mk

Претходно

Пак се пали трска на струшкото крајбрежје, сите се прашуваат што ќе се гради

Следно

Меѓународниот суд на правдата и нареди на Русија да ја прекине воената операција во Украина

Latest from Blog

MacedonianEnglishAlbanian