Минатата недела санкционирани се 236 непрописно паркирани возила на територија на Општина Центар

1 min read

ЈП Паркинзи на Општина Центар и Општина Центар во соработка со Сообраќајната полиција-Скопје минатата недела санкционираа 236 непрописно паркирани возила кои го попречувале нормалното и безбедно одвивање на сообраќајот.

Во периодот од 07.03. до 13.03.2022 година, со помош на специјалните возила „Пајак“ на ЈП ПОЦ отстранети се 124 непрописно паркирани возила, а со поставување на механичко средство „Блокатор“ санкционирани се 112 возила кои биле затекнати во резидентни зони, а не биле корисници-резиденти на секторот во којшто биле паркирани.

ЈП ПОЦ и Општина Центар континуирано ќе ја спроведуваат оваа мерка со цел да се доведе во ред сообраќајниот хаос и проблемот со непрописното паркирање на комерцијалните и резидентните паркиралишта и улици на територија на Општина Центар, потсетуваат од Центар. 

 

skopjeinfo.mk

Претходно

Непостоечка фирма за лифтови добила околу 90 тендери, најмногу во јавни институции

Следно

Зеленски: Путин ќе таргетира и други европски земји, сите сте цел

Latest from Blog

MacedonianEnglishAlbanian