Италијанците дозволија 100% капацитет во Палермо за баражот против Македонија

1 min read

На 24 март на стадионот „Ренцо Барбера“ во Палермо ќе се игра полуфиналето од баражот за пласман на Светското првенство во Катар 2022 помеѓу репрезентациите на Италија и Македонија.

За овој дуел против актуелниот европски шампион нашиот селектор Благоја Милевски в среда (12.00 часот) во просториите на ФФМ ќе го објави списокот на играчи.

Составот се смета и за евентуалното финале на 29 март против победникот од дуелот Португалија и Турција на гостински терен.

Денеска новинарот Џанлука Ди Марцио објави дека италијанскиот министер за здравство Роберто Сперанца го прифатил барањето на претседателот на фудбалската федерација на Италија, Габриеле Гравина да се дозволи 100% од капацитет за баражот против Македонија.

– Со оглед на моменталната епидемиолошка состојба и важноста на настанот, нема пречка да се одобри присуство на јавноста еднакво на капацитетот на стадионот Барбера во Палермо за натпреварот Италија – Македонија, што важи за плеј-офот за квалификациите за Светското првенство 2022 година, закажан за 24 март – информира Сперанца.

www.slobodenpecat.mk

Претходно

ФОТО+ВИДЕО | Скриениот бисер во Грција: Овој остров е најфотогеничното место во светот

Следно

Министерот Сали ја посети ГОБ „8 Септември“ каде е обезбедена нова опрема за пост ковид третман

Latest from Blog

MacedonianEnglishAlbanian