Готвиме со Маја: Омлет сендвич и ролни со цимет

2 mins read

Омлет сендвич

Потребни состојки:

  • 1/2 лажичка пециво
  • 3 парчиња Бриош леб
  • 4 јајца
  • перца од млад кромид
  • 6 парчиња свински врат
  • 4 парчиња тост кашкавал
  • малку свеж магдонос
  • 1/2 лажичка сушен лук
  • 1/2 лажичка мајчина душица
  • 1 домат
готвиме со маја
Готвиме со Маја / Фото: Приватна архива

Подготовка:

Изматете ги убаво јајцата. Ставете сув лук, мајчина душица и пециво перца од кромид. На загреана тава со путер ставете ги јајцата да се пржат и додека се уште течни одозгора ставете бриож леб и потопете го од двете страни и оставете да се пржи. Кога ќе биде доволно суво превртете ги јајцата како палачинка. Ставете одозгора кашкавал и сувомеснато и потоа преклопете за да направите пакетче. Сервирајте со домат и магдонос и прелијте со масло и зачинете со сол и бибер.

Ролни со цимет

Потребни состојки:

  • 400 гр брашно
  • 180 мл млеко
  • 60 гр путер
  • 1 јајце
  • 3 лажици шеќер
  • 1 сув квасец
  • 1/2 лажичка сол

За фил:

  • 100 гр путер
  • 60 гр кафеав шеќер
  • 2 лажички цимет
готвиме со маја
Готвиме со Маја / Фото: Приватна архива

За прелив

  • 10 лажици шеќер во прав
  • 5-6 лажици млеко

Подготовка:

За подготовка на тестото, во сад растопете путер, ставете ги млекото и јајцето а потоа ставете ги и квасецот и шеќерот. Измешајте и додавајте го брашното постепено. Месете додека не добиете меко тесто. Оставете го да стасува околу 1 час на топло. Кога ќе биде стасано, размесете го благо и расукајте во кора со дебелина од половина сантиметар. Во еден сад растопете путер и ставете цимет во него. Со ова премачкајте ја кората по целата површина. Врз тоа попрскајте со кафеав шеќер и завиткајте во ролат. Плехот каде што ќе печете обложете го со хартија за печење и премачкајте ја хартијата со путер со цимет. Исечете еднакви парчиња од ролатот и редете ги во плехот. Ставете ги во загреана рерна на 200 степени и печете околу 30 минути. Кога ќе бидат готови се преливаат со кралска глазура.

www.slobodenpecat.mk

Претходно

ВИДЕО: Тепачка во Бугарија поради масло на промоција, еден човек почина

Следно

Халанд ќе ги откачи Барселона и Реал Мадрид и ќе се пресели во Премиер лигата?!

Latest from Blog

MacedonianEnglishAlbanian