Бајден: Русија ќе плати „жестока цена“ ако употреби хемиско оружје во Украина

1 min read

Претседателот на САД, Џо Бајден, синоќа предупреди дека Русија ќе плати „жестока цена“ ако употреби хемиско оружје во Украина.

– Нема да зборувам за разузнавањето, но Русија ќе плати жестока цена ако употреби хемикалии, изјави Бајден за Си-ен-ен.

САД досега немаат изнесено докази за планирана употреба на хемиско оружје од страна на Русија, но самиот факт дека тоа се кажува во јавноста говори дека американските разузнавачи имаат информации дека таков напад може да се случи.

Русија може да употреби хемиско оружје во Украина или да создаде своја провокација со лажиран настан, изјави претходно Џен Псаки, портпаролката на Бајден.

Изјавата дојде по руските тврдења дека САД развиваат хемиско оружје во Украина.

-Сега откако Русија лажно утврдува и по очигледната согласност на Кина со оваа пропаганда, сите треба да бидеме на штрек дека Русија може да употреби хемиско или биолошко оружје во Украина, или да лажира настан со негова употреба, напиша Псаки на Твитер. (МИА)

kurir.mk

Претходно

Утринската прошетка е одлична навика за телото и духот

Следно

ВИДЕО: Тепачка во Бугарија поради масло на промоција, еден човек почина

Latest from Blog

MacedonianEnglishAlbanian