Ѓоргиевски: Квалитетен и редовен јавен превоз за граѓаните од Кисела Вода

1 min read

Проблемите кои ги имааат жителите на општина Кисела Вода поврзани со јавниот превоз, денес беа на маса на средбата на градоначалникот Орце Ѓорѓиевски со директорот на ЈСП-Скопје, Иван Илиевски.

Соговорниците дискутираа за враќање на одредени автобуски линии, измена во трасата за други, зголемена фреквенција на автобусите и почитување на возниот ред, за сите поплаки и забелешки кои пристигнуваат на адреса на Општина Кисела Вода, а се во надлежност на ова јавно претпријатие.

-Со директорот на ЈСП Скопје, Илиевски, денес разговаравме за обезбедување на квалитетен и редовен јавен превоз кој ќе им овозможи на граѓаните што помалку да ги користат автомобилите. Сметам дека тоа е посебно важно деновиве, кога гледаме какви астрономски покачувања на горивото ни сервираат секојдневно и кога возењето на автомобил станува луксуз. Дополнително, му ги пренесов и наидов на позитивен одзив во врска со различните барања од нашите жители за конкретни автобуски линии и заеднички дискутиравме околу можноста за излегување во пресрет, било да се работи за смена на траса, за позачестен возен ред на одредена линија и слични забелешки. Сметам дека во многу скоро време, жителите на општина Кисела Вода ќе го почувствуват бенефитот од она кое денес го договаравме со директорот на ова јавно претпријатие-изјави градоначалникот Ѓорѓиевски по средбата.

skopjeinfo.mk

Претходно

„Слободен печат“: Европа не е безбедна, Балканот особено!

Следно

Харис: Путин не е заинтересиран за „сериозна дипломатија“

Latest from Blog

MacedonianEnglishAlbanian