„Гардијан“: Следна цел на Путин е Балканот, Србија ќе биде под притисок

5 mins read

Британскиот весник „Гардијан“ објави опсежна анализа во која предупредува дека Русија би можела да почне да ја проширува својата конфронтација со Западот со притисок врз Србија, со поткопување на независноста на државите од Западен Балкан.

Како што наведуваат регионалните лидери за венсикот „Гардијан“, официјални лица од Западен Балкан бараат од НАТО и ЕУ да го забрзаат пристапот до нивните барања за членство, плашејќи се дека Русија ќе предизвика војна во овој дел на Балканот за да го одвлече вниманието од настаните во Украина.

Албин Курти
Албин Курти / Фото: EPA-EFE/VALDRIN XHEMAJ

Косовскиот премиер Албин Курти предупреди дека „во интерес на Руската Федерација е да создаде нови боишта бидејќи не сака тие да се вратат на мирот“.

Претседателката на Косово, Вјоса Османи, предвиде дека „Русија со дестабилизирање на Западен Балкан ќе се обиде да ја дестабилизира цела Европа“ и порача дека Москва ја користи Србија за да ги загрози демократските вредности.

Шефик Џаферовиќ бошњачки член на претседателство и Милорад Додик српски член EPA-EFE/FEHIM DEMIR

Исто така, Шефик Џаферовиќ, бошњачки член на тричленото претседателство на Босна и Херцеговина, предупреди дека неговата земја е особено ранлива на руското влијание, бидејќи Милорад Додик, српски член на претседателството со блиски врски со Кремљ, се заканува дека ќе ги повлече босанските Срби. учество од националната армија, судството и даночниот систем – што всушност ќе го означи крајот на Дејтонскиот мировен договор, со кој заврши војната меѓу балканските народи во 1995 година.

Додик се обидува да го искористи фактот што вниманието на Западот е насочено кон Украина“, изјави Џаферовиќ за Гардијан.

Милорад Додик
Милорад Додик / Фото: EPA-EFE/STEPHANIE LECOCQ

Тој додаде дека однесувањето на Додик секако е охрабрено од Русија, која секогаш сака да покаже дека може да ја дестабилизира меката основа на ЕУ и НАТО.

 

Шефик Џаферовиќ EPA-EFE/Malton Dibra

„Западните влади треба да го разгледаат многу посериозно и поактивно да се ангажираат во Босна и Херцеговина и во целиот регион“, рече Џаферовиќ.

Од друга страна, Османи рече дека во Украина се покажало дека смирувањето на автократите како Владимир Путин и српскиот претседател Александар Вучиќ не функционира.

Вјоса Османи
Вјоса Омани / Фото: EPA-EFE/GEORGI LICOVSKI

„Русија веројатно ќе ги користи или Балтикот или Западен Балкан – или и двете – за да ги подигне тензиите и да ја прошири кризата на меѓународно ниво“, рече Османи.

Нејзиниот колега Курти вели дека се плаши дека колку подолго трае војната во Украина, толку се поголеми шансите да се прелее и на Западен Балкан. Зашто, како што вели, во интерес на Руската Федерација е да има нови боишта.

„Путин продолжува да ја смета интервенцијата на НАТО во Косово како најважен неодамнешен индивидуален настан. „Тој сака Косово да пропадне за да покаже дека успехот на НАТО е привремен, исто како во Ирак и Авганистан“, рече Курти.

Изјавите на косовските челници доаѓа по посетата на германската министерка за надворешни работи на Косово Аалена Бербок во рамките на нејзината тунреја низ Западен Балкан, Целта на нејзината турнеја е да испрати порака дека Европа нема да дозволи регионот да потпадне под руско влијание.

Аналена Баербок/ Фото EPA-EFE/Christian Marquardt / POOL

Четири балкански држави ги интензивираа своите повициза да се забрза напредокот и да се откочи застојот на апликациите за влез во НАТО и ЕУ.

Косово аплицира и за членство во Советот на Европа – од кој Русија се повлекува.

„Сè што гледаме во Украина буди сеќавања за високата цена што моравме да ја платиме за да ја постигнеме нашата слобода“, вели Курти.

Османи се осврна и на фактот дека Белград е единственото место во Европа со про-путин протести и политичари кои не ги осудуваат постапките на Русија.

„Тие се единствената земја во Европа која не ги почитува санкциите на ЕУ, напротив – го зголемија бројот на летови од Белград до Русија, вели косовската претседателка за бртиански „Гардијан“

www.slobodenpecat.mk

Претходно

Цените на храната може да „скокнат“ и до 20 отсто поради конфликтот во Украина

Следно

ФОТО | Жената мачка Зои Кравиц и Чејнинг Татум повљубени од кога било

Latest from Blog

MacedonianEnglishAlbanian