Владата вели дека ги испратила измените на законите за ДДВ и акцизи, во Собранието уште ги нема

1 min read

До Собранието на Република Северна Македонија сѐ уште не се пристигнати измените и дополнувањата на Законот за данокот на додадена вредност и на Законот за акцизи, велат од законодавниот дом за МИА.

Иако Владата попладнево соопшти дека измените и дополнувањата се веќе испратени, од Парламентот информираат дека законите сѐ уште не се стигнати.

Во дописот од Владата се наведува дека измените и дополнувањата треба да бидат донесени во итна собраниска постапка за да се обезбеди намалување на највисоките малопродажни цени на бензините и другите нафтени деривати.

Во Собранието во моментов е во тек продолжението на 50-тата седница, на која се расправа по предлог-законот за изменување и дополнување на Законот за минерални суровини, во прво читање.

www.slobodenpecat.mk

Претходно

ВИДЕО: Навивачи на Вест Хем и на Ајнтрахт се испотепаа во Севиља!

Следно

Ограбено момче, двајца крадци го нападнале на улица

Latest from Blog

MacedonianEnglishAlbanian