Градот Скопје ја ослободи Владата и други објекти од државен интерес од обврската за плаќање на надоместокот за уредување на градежно земјиште

1 min read

На денешната седница Советот на Град Скопје донесе повеќе одлуки за ослободување на повеќе јавни институции од обврската за плаќање на надоместокот за уредување на градежно земјиште.

Со првата одлука од оваа обврска е ослободен Универзитетот Мајка Тереза за реконструкција со пренамена на јавен објект на универзитетот, лоциран на улица Самоилова. Станува збор за бруто корисна површина од 2.535,78 квадратни метри или нето наплатна површина од 53,89 квадратни метри, а износот изнесува 280.819 денари.

Со втората одлука од обврска за плаќање на надоместок за уредување на градежно земјиште се ослободува Општина Центар, во својство на инвеститор, за изградба на детска градинка во населба Пролет Скопје. Станува збор за бруто корисна површина од 2.764,94 квадратни метри или нето наплатна површина од 121,15 квадратни метри, а износот изнесува 712.769 денари.

Со третата одлука од оваа обврска се ослободува Владата на РМ и Министерството за здравство како инвеститори во проектот за надградба на клиника за хематологија во Скопје, во рамки на клиничкиот центар „Мајка Тереза“. Станува збор за бруто корисна површина од 652,12 квадратни метри или нето наплатна површина од 32,61 квадратни метри, а износот изнесува 191.857 денари.

Со овие одлуки Град Скопје нема повеќе обврска за инвестиции во уредување на градежното земјиште и истите паѓаат на товар на инвеститорите.

Самите одлуки кои ги донесе Советот на Град Скопје претставуваат дел од вкупниот надоместок за уредување на градежното земјиште во висина од 60% наменет за Градот Скопје.

skopjeinfo.mk

Претходно

Нови 318 случаи на ковид и тринаесет починати лица

Следно

Кличко: Половина од населението на Киев побегна од почетокот на руската инвазија

Latest from Blog

MacedonianEnglishAlbanian