Михајловиќ: Во Србија нема да поскапат струјата, топлинската енергија и гасот

1 min read

Српската вицепремиерка и министерка за енергетика Зорана Михајловиќ, изјави дека во Србија има доволно енергенти и дека нема да се зголемат цените на струјата, топлинската енергија и гасот, дека ќе останат одредени ограничувања на цената на нафтените деривати и дека ќе се направи подобра рамнотежа меѓу цените на големо и мало, јави дописникот на МИА од Белград.

-Најважно за граѓаните и економијата е дека има доволно на сите енергенси. Има доволно нафтени деривати и гас, се произведува струја. Увозот на струја е помал во споредба со претходните месеци, има доволно топлотна енергија, изјави српската вицепремеирка на „Копаоник бизнис форумот”, соопштија од нејзиниот кабинет.

„Што се однесува до ограничувањето на цената на нафтените деривати, Уредбата за ограничување на цената на нафтените деривати секако ќе се промени. Ќе се задржат одредени ограничувања, но ќе се обидеме да направиме подобар баланс меѓу големопродажната цена и малопродајната. Тоа е главна причина зошто некои помали пумпи не продаваат нафтени деривати – ги има доволно, но проблемот беше во цената”, изјави Михајловиќ.

Српската Влада ја ограничи максималната цена на бензините 95 на 171 динари (1,45 евра) и на дизелот на 179 динари (1,52 евра), која истекува на 12 март.

ВО ЖИВО | Конфликтот во Украина, вести од минута во минута: ЕК подготвува нови санкции

 

www.slobodenpecat.mk

Претходно

Борел: Русија оди кон целосна изолација на своите граѓани

Следно

Животна средина: Бизнисот со цвеќињата буквално „цвета“

Latest from Blog

MacedonianEnglishAlbanian