Најдобриот стрелец на ПСЖ оваа сезона, Килијан Мбапе заработи повреда на денешниот тренинг и е под знак прашалник за реваншот против Реал Мадрид во осминафиналето на Лигата на шампионите.
Се гледа на снимката како Идриса Геј невнимателно реагираше, згазна на левата нога на Мбапе по што овој не можеше да продолжи.
Лекарскиот тим веднаш реагирал, францускиот репрезентативец беше префрлен на прегледи, а првата реакација е охрабрувачка, нема скршеници или сериозни последици, но тоа не гарантира дека би можел да стартува од првата минута на возвратната пресметка со „кралевите“.
Потсетување дека во првите 90 минути париските „светци“ победија со 1:0 со голот на Мбапе во самиот финиш од средбата.
Реваншот помеѓу Реал Мадрид и ПСЖ на стадионот „Сантјаго Бернабеу“ ќе се игра в среда (9 март) со почеток од 21.00 часот.
😱😱 El pisotón de Gueye a Mbappé que tiene en vilo a todo el PSG de cara al partido de Champions ante el Real Madrid… pic.twitter.com/rgYwNYVuOM
— MARCA (@marca) March 7, 2022
