Поладнево ќе се дефинираат новите мерки за поддршка на граѓаните и стопанството

1 min read

Не би сакал да коментирам за дополнителните, нови мерки пред да се донесат. Попладнево ќе заседава Економскиот совет на кој ќе се разгледуваат финансиските импликации врз буџетот, крајните цени на производите и алатките за задржување на ликвидноста на компаниите. Се прават анализи од сите аспекти кои влијаат врз цената на одреден производ и услуга – даночен дел, маржите, по што мерките ќе бидат предложени и донесени, рече денеска премиерот Димитар Ковачевски.

Економскиот совет ќе заседава попладнево, во 17 часот, и на него, како што истакна Ковачевски, ќе присуствуваат и надворешни експерти кои ќе дадат свој придонес во дискусијата за избор на најдобри решенија во насока на заштита на стандардот на граѓаните и поддршка на стопанството.

Премиерот уште еднаш повтори дека во земјава има непречено снабдување со нафта и нафтени деривати, а цените, рече, не ги знае, зашто за тоа е задолжена Регулаторната комисија за енергетика како независно тело кое носи одлуки според методологијата.

-Има доволни количини на бензинските пупмпи и во државните резерви. Она што се случува на бензинските е од шпекулативни причини. Оние што продаваат нафта сакаат да остварат „воен профит”, рече Ковачевски, одговорајќи на новинарски прашања по средбата со членовите на Сојузот на здруженијата на пензионери.

www.slobodenpecat.mk

Претходно

Лазаров го објави списокот на ракометари за квалификацискиот двомеч со Романија

Следно

Општина Карпош избира авто школа преку која ќе субвенционира полагање на возачки испит

Latest from Blog

MacedonianEnglishAlbanian