Свитолина сепак настапи во Монтереј и ја победи Русинката Потапова: Сите пари ќе ги донирам на украинската војска

1 min read

Украинската тенисерка Елина Свитолина сепак одлучи на настапи на турнирот во Монтереј и во првото коло ја победи Русинката Анастасија Потапова.

Пред стартот на турнирот Свитолина изјави дека се повлекува од турнирот бидејќи не сака да игра против тенисерка која од доаѓа од земјата што изврши агресија врз Украина.

Но, Украинката ја промени одлуката и во емотивниот меч кој поради војната го привлече вниманието ја јавноста со 6:2,6:1 ја победи Потапова.

Таа по мечот имаше емотивно обраќање во кое го изнесе својот став за војната во нејзината земја и порача дека паричната награда ќе ја донира за украинската војска.

– Ова за мене беше посебен меч. Од самиот старт морав да бидам подготвена за се што може да случи. Сите пари што ќе ги заработам на овој турнир ќе ги донирам на украинската војска. Не ги обвинувам за ништо руските спортисти, тие немаат никаква вина за тоа што се случува во Украина – изјави Свитолина.

Наредна противничка на Свитолина која е прва носителка на турнирот во Монтереј ќе биде Бугарката Викторија Томова.

www.slobodenpecat.mk

Претходно

ФОТО | Ким Кардашијан ја нападнаа: Жено, во светот има војна, што е со твоиве објави?

Следно

ВИДЕО | Шабан Мемети: Имаме капацитет за 3.000 тестови дневно, а правиме околу 400

Latest from Blog

MacedonianEnglishAlbanian