Реал и Барселона на лето „гратис“ ќе носат фудбалери од Серија А

1 min read

Шпанските гиганти Реал Мадрид и Барселона се подготвуваат за летниот преоден рок во кој планираат да се засилат со играчи од Серија А и тоа бесплатно.

„Газета дело Спорт“ пишува дека Фабијан Руиз нема намера да го продолжи договорот со Наполи и сака да се врати во Шпанија, поточно во Реал Мадрид што би претставувало трансфер на кариерата.

Шпанецот во Наполи пристигна од Бетис во 2018 година за 30 милиони евра, а во Реал би требало да претставува замена за ветераните Лука Модриќ и Тони Крос.

Френк Кеси се наоѓа на листата на желби на Барселона/ фото: EPA-EFE/MATTEO BAZZI

Барселона пак, која направи вистински потег со ангажманот на Пјер-Емерик Обамејанг, сака истиот рецепт да го повтори и на лето кога ќе тргне по потписот со ѕвездата на Милан, Френк Кеси, кој исто така ќе биде слободен.

Италијанските новинари Матео Морето и Џанлука Ди Марцио пишуваат дека Барселона се наоѓа во пол позиција за потписот со Кеси. Според новинарите, Барселона на Кеси му нуди плата од 6.5 милиони евра, а фудбалерот наводно ја прифатил.

www.slobodenpecat.mk

Претходно

Како да станеме подобри слушатели кога зборуваме со некого? Еве неколку начини

Следно

Руското „њет“ за Украина во НАТО значи „њет“ смета Сафет Бишевац

Latest from Blog

MacedonianEnglishAlbanian