Бислимовски: С Македонија е спремна за примање на бегалци од Украина

2 mins read

Огромен број Украинци деновиве ја напуштаат земјата пред налетот на руската армија која веќе петти ден врши инвазија врз земјата.

Според последните информации за четири дена земјата ја напуштиле над 400 илјади лица, претежно жени и деца.

ЕУ едногласно прифати да ги прими бегалците до три години без тие да мора да поднесат барање за право на азил.

И земјава се соочува со можноста да прими бегалци од Украина и е подготвена на таков чекор.

На оваа тема во Утрински брифинг разговаравме со Владимир Бислимовски директор на ЈП центар за прием на бегалци – Визбегово.

-Се уште сме немале координативен состанок за руско – украинската криза, инаку прифатиниот центар работи исклучиво со баратели за азил. Она што во моментот како информација го имам знам дека има интерес и доста комуникација со канцеларијата на високиот Комесарјат за бегалци во Скопје, за можност дел од тие луѓе да дојдат во нашата земја, вели Бислимовски.

-Прифатниот Центар за баратели на азил по закон има капацитет од 150 баратели на азил, но доколку има потреба капацитетот може да го зголемиме, затоа што имаме направено реконструкција на објектите. Не очекувам голема бројка, но доколку има потреба ќе излеземе во пресрет, додава Бислимовски.

-Се уште нема најава за доаѓање на лица од Украина, но спремни сме да помогнеме. Сместувачките капацитети се по ЕУ стандарди направени. Во прифатниот Центар барателите на азил не плаќаат ништо, сите услуги се бесплатни. Нашата основна дејност е сместување и згрижување, тоа значи да добијат топол оброк, кревет, медицинска услуга, достапност до правна помош и доколку има потреба нешто да се искомуницира со институции кои се поврзани со нашата работа да сикомуницираме.

-Капацитети ќе се најдат. Верувам дека државата ќе мисли на такво сценарио доколку се појави поголем број на бегалци. Во однос на желба и останување на баратели на азил во нашата земја ние не сме атрактивни, обично тоа се европските земји. Во моментов во прифатниот Центар имаме 19 баратели на азил, кои што не остануваат долго, некој просечен број на денови е 30, но имаме случаи кои овде се и по 2-3 години во зависност од трањето на постапката за азил, вели Бислимовски.

Проследете го целиот разговор во видеото

 

www.slobodenpecat.mk

Претходно

Виц на денот: Работа

Следно

Улицата Јордан Мијалков доби нова сообраќајна сигнализација

Latest from Blog

MacedonianEnglishAlbanian