Почина Мирослав Наумовски – Лав, основач на првиот спортски неделник „СКОК“

1 min read

Денес, по кратко боледување, почина Мирослав Наумовски-Лав. Лав беше врвен спортист, спортски новинар, еден од основачите на Македонскиот олимписки комитет, член на Собранието и на Управниот одбор на МОК, спортски новинар во Нова Македонија, основач и главен одговорен уредник на првиот спортски весник во нашата држава, СКОК.

Мирослав Наумовски-Лав во „Нова Македонија“, како спортски новинар, поминал 27 години, а известувал од ЛОИ 1974, 2000 и 2004, од ЗОИ 1984 и 1988, од три СП во кошарка, осум ЕП во различни спортови, универзијади, медитерански игри, балканијади.

Неговата најголема спортска љубов бил ракометот. Со македонската репрезентација станал пионерски првак на тогашна Југославија (СФРЈ). Во 1962 година бил прв на Младинското првенство на СФРЈ, а во 1965 година и Национален првак во младинска конкуренција. Наумовски бил одличен ракометар и дел од младинската репрезентација на СФРЈ (заедно со генерацијата на Поповиќ, Прибаниќ, Покрајац, Каралиќ…). Најмногу време поминал во Р.К. Вардар, играјќи на позицијата централен бек.

Фото: facebook.com/sportskimagazinskok

На иницијатива на Лав, се појавува првиот спортски весник СКОК во нашата држава и тој станува прв главен одговорен уредник. Лав е и еден од најзаслужните што по долга пауза се возобнови и Охридскиот пливачки маратон.

Заедно со Васил Тупурковски и другите, го основаат Македонскиот олимписки комитет (МОК) и станува член на Собранието на МОК, на Управниот одбор на МОК и Претседател на МОК Маркетинг. Почивај во мир спортска легендо! Вечна ти слава!

www.slobodenpecat.mk

Претходно

ВИДЕО | „Повторно немате свој став за Украина“: Зоки Фаци ги искритикува јавните личности во Македонија

Следно

ВИДЕО: СДСМ го обвини градоначалникот на Гази Баба Стефковски дека работел незаконски

Latest from Blog

MacedonianEnglishAlbanian