МНР: Обезбеден е транспорт за евакуација на нашите државјани од Одеса

1 min read

Министерството за надворешни работи информира дека е обезбеден транспорт за евакуација на македонските државјани од Одеса.

Информираме дека Министерството за надворешни работи во соработка со партнерски земји обезбеди транспорт за евакуација на нашите државјани кои во моментот се наоѓаат во Одеса, Украина. Поради тоа, апелираме нашите државјани кои се наоѓаат во Одеса, итно да го контактираат министерството, со цел достава на податоци и координација на процесот за евакуација на дежурниот телефонски број +389 75 273 732. Воедно, министерството остварува комуникација со нашите државјани со чии податоци располага, со цел достава на насоки за постапување, велат оттаму.

Дополнително, министерството за надворешни работи прави напори да обезбеди начини за евакуација и за нашите државјани кои во моментот се наоѓаат во Харков и Киев, за што дополнително ќе информираме.

Во текот на денот, Министерството за надворешни работи имало неколку јавувања од наши граѓани, транспортери на камиони, кои заради воените дејствија во Украина беа заглавени на украинско-полската и украинско-романската граница.

Амбасадите во Букурешт и Варшава, цел ден активно комуницираат со полските и романските власти, а се обидуваат и преку украинските конзулати во Романија и Полска да им помогнат на овие наши превозници за да ја напуштат украинската територија без да претрпат економски последици. Истовремено апелираме до сите транспортни превозници да се воздржат од проток и патувања кон Украина затоа што состојбите се крајно непредвидливи и нашите институции не можат да им ја гарантираат нивната безбедност, додаваат од МНР.

www.slobodenpecat.mk

Претходно

ВИДЕО: Бостон на крилјата на Тејтум и Браун подобар од Детроит

Следно

Хрватски доброволци ќе ја бранат Украина

Latest from Blog

MacedonianEnglishAlbanian