Американската актерка Аналин Мекорд објави бизарно видео во кое му се обраќа на рускиот претседател Владимир Путин и во кое се залага за мир меѓу Русија и Украина.
„Почитуван претседателе Владимир Путин, многу ми е жал што не бев твоја мајка. Ако јас бев твоја мајка, ти ќе беше многу сакан… Ако јас бев твоја мајка, светот ќе беше топло место, ќе имаше многу смеење и радост“, вели таа.
Во обраќањето, Мекорд зборува за тоа дека животот на Путин ќе бил поинаков ако таа била негова мајка.
„Ако јас бев твоја мајка, ако светот беше ладен, јас ќе умрев за да те стоплам… ќе умрев за да ти дадам живот“, продолжува таа, а потоа вели дека жали што се родила „премногу доцна“ за да биде мајка на рускиот лидер.
Актерката навестува дека се послужила со метафора и дека со терминот „мајка“ мислела на Русија.
Dear Mister President Vladimir Putin… pic.twitter.com/LbDFBHVWJf
— AnnaLynne McCord (@IAMannalynnemcc) February 24, 2022
Сепак, нејзиното обраќање предизвика бројни исмејувачки коментари упатени до „нарцисоидната актерка“, како што ја нарекоа корисниците на социјалните мрежи.
„Дали таа му рецитира слем-поезија на диктатор?“, „Наредниот пат само испеј ја ‘Imagine’. Тоа ќе ти биде полесно од ова, што и да беше“, „Ова сигурно ќе го спречи Путин. Навистина си храбра Аналин Мекорд“, саркастично коментираат твитерџиите.
Just sing “imagine” next time. It’s easier than whatever this is.
— El suspendo Bloomberg ¡viva Los Villanos! (@elsuspendo) February 24, 2022
Повеќе текстови на темата:
„Љубовта може да победи сѐ“: Приказната зад фотографијата која го трогна светот
Руслана со трогателен апел: Светот ќе ни помогне и ќе ја запреме војната!
