Протест на синдикатите на полицијата и Армијата во сабота, бараат усогласување на платите со минималната

2 mins read

Независните синдикати на полицијата и на армијата најавија предупредувачки протест на кој ќе побараат усогласување на платите во однос на новиот закон за минимална плата.

Како што информира претседателот на Независниот синдикат на полицијата Гоце Делчев, на доставените барањата до премиерот, до вицепремиерот за економски прашања, министерот за финансии и министерот за внатрешни работи, се уште не добиле одговор.

-Ќе биде предупредувачки протест бидејќи се уште очекуваме импулс и сигнал од наведените институции за кои веќе потенциравме дека очекуваме да бидеме примени. Очекуваме дека оваа 2022 година после покачувањето на минималната плата од 15.174 денари на 18.000 денари, конечно Министерството за внатрешни работи ќе сфати дека усогласувањето на платата како што е предвидено од постоечките законски регулативи ќе го смета за вработените и со секое покачување на минималната плата ќе има и порамнување на платите. Не бараме ништо повеќе, бараме само почитување на законите кои се однесуваат за платите на вработените во полицијата, изјави Делчев.

Претстедателот на Независниот синдикат на професионални војници, Аднан Алити најави дека доколку по предупредувачкиот протес нема рекација од институциите, војниците ќе наместат шатори пред Влада.

-Поради игнорантскиот однос, дел од припадниците на армијата не беа префрлени во други сродни институции. Скоро две години некои лица се во подрачните единици во Министерството за одбрана. Во сабота независниот синдикат на војници заедно со независниот синдикат на полицијата ќе организира предупредувачки протест пред Владата, но доколку нема слух следниот протест ќе биде со шатори пред влада и таму ќе останеме додека не се реши проблемот со статусот на професионалните војници, и нерешавање на дел од подрачните единици каде иамаме под минималната плата, изјави Алити.

Претседателот на Конфедерацијата на синдикални организации на Македонија, Марјан Ристески, пак, испрати апел до надлежните протестот да го сфатат сериозно, тој оцени дека од големо значење е парламентарците да го решат проблемот со блокираните закони.

Протестот е закажан за во сабота, ќе започне пред МРТ во 11 часот, од каде учесниците ќе се упатат пред Влада.

kurir.mk

Претходно

Не` газеше со години, никој не сакаше тој да умре, но немаше друго решение освен да пука, рече пред судот синот на битолчанецот Фердо

Следно

Герасимовски: Го раскинавме договорот со планерската куќа за „Треска“, бараме решение прифатливо за сите

Latest from Blog

MacedonianEnglishAlbanian