Меки како пена: Воздушни јапонски палачинки

1 min read

Јапонските палачинки се толку меки што многумина ги нарекуваат палачинки суфле, а овој основен рецепт сличен на оној за американските палачинки можете да го збогатите на безброј начини: наполнете ги со џем или крем со помош на шприц, сервирајте ги посипани со сирупи и преливи, комбинирајте ги со сезонско овошје.

Состојки:

– 200 грама брашно

– 3 лажици шеќер

– 2 лажички прашок за пециво

– половина лажичка сол

– 300 милилитри млеко

– половина лажичка екстракт од ванила

– 2 јајца

Подготовка:

Одделете ги жолчките од белките, па изматете ги со жица. Потоа додадете ги брашното, прашокот за пециво, солта, екстрактот од ванила и млекото. Сè добро измешајте.

Со миксер во посебен сад изматете ги белките, со постепено додавање на шеќерот, па многу внимателно соединете ги со смесата од жолчките и брашното. Промешајте со шпатула, па смесата сипете ја во шприц за слатки.

Подмачкајте ја тавата со масло и оставете ја да се загрее, па кога ќе се загрее, сипете ја смесата со лажица и превртете ја по извесно време. Доколку имате прстенест калап за пржење во тава, задолжително сипете ја смесата во него, бидејќи така ќе им се даде максималната висина на палачинките.

www.slobodenpecat.mk

Претходно

ДРАМА ВО МАЈАМИ БИЧ: Хелихоптер се урна покрај полна плажа, настрада полицаец (ВИДЕО)

Следно

ЗОИ Пекинг: Доминација на Германците во боб

Latest from Blog

MacedonianEnglishAlbanian