Австралија ги отвора границите по речиси две години локдаун и скандалот со Ѓоковиќ

1 min read

Австралија, потпирајќи се на високата стапка на вакцинација против коронавирусот, утре за првпат ќе пречека меѓународни туристи по речиси две години од затворањето на нејзините граници, пишува Танјуг.

Отворањето на Австралија за туристите е најјасен показател за напуштање на строгиот пристап во борбата против пандемијата на коронавирус и посветеноста на коегзистенција со коронавирусот со вакцинација, со цел да се намали смртноста и бројот на тешки случаи на болеста.

Најголем број од 2,7 милиони случаи на заразени со коронавирус во земјава се забележани со пристигнувањето на варијантата омикрон кон крајот на ноември. Сепак, со една од најголемите стапки на вакцинација во светот – повеќе од 94 проценти од луѓето на возраст над 16 години – се забележани нешто помалку од 5.000 смртни случаи, што е само дел од стапката на смртност во многу други развиени земји.

Одлуката за отворање на границите за странските туристи стапува на сила нешто повеќе од еден месец откако светскиот тениски ас Новак Ѓоковиќ беше депортиран од оваа земја, иако претходно му беше одобрено медицинско ослободување од вакцинација против коронавирус.

kurir.mk

Претходно

ВМРО-ДПМНЕ: СДСМ лаже дека со законот за наставници ќе покачува плати, туку прави брутална партизација на образованието

Следно

ФОТО | Петар Грашо насмеан од уши до уши на венчавката со Хана: Се чувствувам како вистински маж!

Latest from Blog

MacedonianEnglishAlbanian