Бил Гејтс: Ризикот од коронавирусот е драстично намален, следува нова пандемија

3 mins read

Основачот на Мајкрософт, Бил Гејтс, истакна дека ризикот од коронавирус е драстично намален, но додаде дека доаѓа нова пандемија, пренесува „Си-Ен-Би-Си“.

ВИДЕО | Бил Гејтс со нова книга: „Како да се спречи следната пандемија?“

Гејтс на Конференцијата за безбедност во Минхен, изјави дека веројатно тоа ќе биде пандемија предизвикана од друг патоген од семејството на коронавирусот.

Сепак, Гејтс додаде дека напредокот во медицинската технологија може да му помогне на светот подобро да се справи со новата пандемија, доколку уште сега се инвестира во неа.

„Ќе имаме нова пандемија. Следниот пат тоа ќе биде нов патоген“, изјави Гејтс.

бил гејтс
Бил Гејтс на панел дискусијата на Конференцијата за безбедност во Минхен / Фото: EPA-EFE/RONALD WITTEK

Тој оцени и дека по две години од почетокот на пандемијата, коронавирусот веќе не е толку опасен бидејќи глобалната популација има стекнато одредено ниво на имунитет, како и поради фактот што последниот вид – омикрон е помалку заразен од претходните.

Сепак, Гејтс рече дека тоа на многу места е последица на самиот вирус, кој создава одредено ниво на имунитет и дека тој „завршил подобра работа отколку вакцините“.

„Шансите за сериозни болести, кои најмногу се однесуваат на старите лица, луѓето кои имаат проблем со дебелината или дијабетесот, таквите ризици сега се значително намалени поради изложеноста на самиот вирус“, посочи тој.

бил гејтс
Бил Гејтс на панел дискусијата на Конференцијата за безбедност во Минхен / Фото: EPA-EFE/RONALD WITTEK

Гејтс вели дека веќе е „доцна“ да се постигне целта на Светската здравствена организација да се вакцинираа 70 отсто од светското население до средината на 2022 година. Во моментов,  61,9% од светската популација примила најмалку една доза од вакцината против коронавирус.

бил гејтс
Бил Гејтс / Фото: EPA-EFE/RONALD WITTEK

Тој исто така рече дека светот треба да се движи побрзо во развој и дистрибуција на вакцини во иднина, апелирајќи до владите да инвестираат во тоа сега.

„Следниот пат, треба да се обидеме да ги направиме, наместо за две години, за шест месеци“, рече Гејтс, додавајќи дека стандардизираните платформи, вклучително и технологијата РНК (мРНК), го овозможуваат тоа. „Цената на подготвеноста за следната пандемија не е толку висока. Тоа не се климатски промени, па ако бидеме рационални, следниот пат ќе ја „фатиме“ порано“, заклучи тој.

www.slobodenpecat.mk

Претходно

Започна изборната кампања за делумните предвремени избори во Албанија

Следно

ЗОИ 2022: Швеѓаните со олимпиското злато во карлинг

Latest from Blog

MacedonianEnglishAlbanian