Идната недела пак ќе се сретнат македонските и бугарските историчари

1 min read

Шефот на македонската дипломатија, Бујар Османи, присуствуваше на средбата на делегациите на Северна Македонија и Бугарија на маргините на Минхенската безбедносна конференција. Тој информира дека било изразено задоволство од процесот на динамизирање на билатералната соработка преку реализацијата на концептот на работни групи и конкретните активности и предлози кои до сега произлегоа од нивната работа.

-Во однос на пакетот политички прашања беше поздравена работата на експертските групи составени од претставници на министерствата за надворешни работи. Непосредната комуникација и секторската соработка е ефективен метод и како таков ќе продолжи да се користи во контекстот на продлабочување на односите и подигање на нивото на политички дијалог.

Во однос на претстојната средба на Заедничката меѓудисциплинарна експертска комисија за историски и образовни прашања, која ќе се одржи на 24 и 25 февруари во Софија, беше изразена надеж дека Комисијата ќе продолжи да работи во конструктивен амбиент и ќе покаже отвореност и добра волја за напредок и отворање на перспективи, истакна Османи.

Исто така на средбата било потенцирано дека трговската размена меѓу двете земји во текот на 2021 година достигна речиси 900 милиони долари и оствари раст од 32%, со што се искачи на ниво повисоко од нивоата на трговска размена од пред појавата на пандемијата.

-Неизбежен дел од разговорите беше и безбедносната состојба во регионот на Западниот Балкан и Европа, при што се согласивме дека евроатлантската определба е извор и гарант на општата безбедност и сигурност, заклучи Османи во објавата.

www.slobodenpecat.mk

Претходно

ВИДЕО | Направил селфи со бремената сопруга, па ја турнал од карпата: Причината за убиството е морничава

Следно

ВИДЕО | Драматично спасување: Извлечени двете лица заглавени на траектот кај Крф, се бараат уште 11 исчезнати

Latest from Blog

MacedonianEnglishAlbanian