Отворен нов пункт за наплата на ЈП Водовод и канализација во ТЦ Капитол

1 min read

ЈП Водовод и канализација со цел да овозможи поголема достапност за граѓаните за плаќањето на сметките  постави апарат за наплата во ТЦ Капитол во Аеродром на вториот кат во трговскиот центар. 

Поставувањето на овој апарат е дел од планот на јавното претпријатие за забрзан процес на дигитализација со цел доближување на услугите до своите корисници.  Граѓаните на овој начин имаат можност да направат преглед на сметките и да извршат уплата за истите со користење на мастер и виза картичките од сите банки.

ЈП Водовод и канализација досега вакви апарати има поставено во дирекцијата на претпријатието, во Одделението за грижа на корисниците на ЈП Комунална хигиена и во ГТЦ на приземје. Корисниците, исто така можат да пристапат до електронските услуги на ЈП Водовод и канализација и на веб-страницата на претпријатието и мобилната апликација достапна за Android и iOS.

Ги потсетуваме корисниците на услугите на ова јавно претпријатие дека е во тек акцијата за наплата на долговите без пресметка на камата за задоцнето плаќање со можност за склучување на договори за рати, до 48 за физички и до 24 рати за правни лица, која трае до 15.03.2022. Воедно ги повикуваме корисниците кои имаат заостанати долгови, да ја искористат оваа можност, со цел да ги  избегнат гужвите што би се создале во текот на последните денови.

skopjeinfo.mk

Претходно

Пешевска: Дојде моментот кога СДСМ ќе покаже дали зголемувањето на минималната плата е со искрена намера која ќе важи за сите или тоа е само селективна популистичка мерка

Следно

Уставниот суд на Албанија го отповика гласањето на Парламентот за разрешување на Мета

Latest from Blog

MacedonianEnglishAlbanian