И третиот стручно-научен столб ја прифати соработката со Кисела Вода за Меѓународниот конкурс за Расадник

2 mins read

-Ја поддржуваме секоја намера, идеја или одлука за преземање на активности за разрешување на одредени просторни проблеми по пат на стручен натпревар на идеи, концепти, ставови или решенија и затоа, ја прифаќаме вашата понуда за соработка, истакнаа претставниците на Асоцијацијата на архитекти на Македонија кои одржаа работен состанок со градоначалникот Орце Ѓорѓиевски во врска со изработката на Меѓународен Конкурс за идејно урбанистичко – архитектонско решение за ДУП Расадник.

Професор д-р Мишко Ралев, како Претседател на ААМ и Марта Илиевска, како член на Управниот одбор, заедно со градоначалникот го разгледаа предложениот нацрт кој Општина Кисела Вода го направи јавно достапен за целокупната јавност и продискутираа околу идеите кои можат да бидат инкорпорирани во финалниот текст.

Асоцијацијата на архитекти на Македонија – ААМ е најстарото архитектонско здружение во Македонија од оваа дејност, кое како најширок форум за стручна дебата во областите архитектура и урбанизам делува во насока на рационално користење на просторот според современите критериуми, норми, стандарди водени од принципите на одржлив развој и заштита на животната средина, чии резултати ќе придонесат за благосостојба на човекот и општеството.

Воедно, оваа Асоцијација е и третиот стручно-научен столб кој покрај Архитектонскиот факултет во Скопје и Комората на овластени архитекти и инженери ја прифати понудата на Општина Кисела Вода за соработка при оформување на стручно издржан текст за Меѓународниот Конкурс за идејно урбанистичко – архитектонско решение за ДУП Расадник.

При изработката, ќе учествуваат и членови од Партиципативно тело, за кое пријавувањето заврши со поднесени околу 25 апликации од граѓаните. Оформувањето на Партиципативното тело ќе биде доставено како предлог до Советот на Општина Кисела Вода, на седницата кој ќе се одржи до крај на месецов. Со тоа, ќе бидат исполнети сите услови за објавување на Меѓународниот конкурс кој треба да даде решен­­­­ие за финалниот лик на Расадник, информираа од Кисела Вода. 

skopjeinfo.mk

Претходно

Мицкоски: СДСМ и ДУИ се нервозни, имаат 20-тина градоначалници, а немаат направено ниту еден отчет затоа што немаат проекти

Следно

Крај на љубовта: Анастасија Ражнатовиќ и Ѓорѓе Куљиќ се разделија по пет години

Latest from Blog

MacedonianEnglishAlbanian