Репрезентацијата на Австрија во скијачки скокови го освои златниот медал во екипна конкуренција на Зимските олимписки игри во Пекинг.
Австријците во состав Штефан Крафт, Даниел Хубер, Јан Херл и Мануел Фетнер беа надобри по четирите серии и триумфираа со 942.7 бодови. Ова воедно е прв златен медал во екипна конкуренција за Австрија по пауза од 12 години.
Reaching new heights! ⛷✈
Austria win the #SkiJumping – men’s team #Gold medal, their first gold in this event since 2010!
Congratulations! 👏#Beijing2022 | #StrongerTogether | @Ski_Austria_ pic.twitter.com/4yuuB7U5Ml
— Olympics (@Olympics) February 14, 2022
Второто место и сребрениот медал го освоија Словенците со освоени 934.4 бодови. За Словенија скокаа Петер Превц, Тими Зајц, Цене Превц и Ловро Кос и на својата земја и го донесоа првиот медал во екипна конкуренција по 20 години.
Ова беше четврти медал за Словенија во скијачки скокови. Златен медал освои Урша Богатај кај дамите, како и мешана репрезентација, додека бронзен медал освои Ника Крижнар.
Бронзата им припадна на Германците кои имаа 922.9 бодови, само 0.8 бодои повеќе од Норвешка која зарвши на четвртото место. За Германија скокаа Константин Шмид, Штефан Лаје, Ларкус Ајзенбихлер и Карл Гајгер.
