Турција го намали ДДВ за храната на 1 отсто – драстична мерка на Ердоган против инфлацијата

1 min read

Турскиот претседател Реџеп Таип Ердоган го намали ДДВ-то за млечните производи, овошјето, зеленчукот и другата основна храна од 8 на 1 отсто. Мерката доаѓа како одговор на највисоката инфлација во земјата во последните 20 години, која во јануари изнесуваше 48%.

Минатиот месец, претседателот го смени шефот на државната статистика по четврти пат од 2019 година.

Турските медиуми објавија дека Ердоган е незадоволен од стапките на инфлација објавени од државната статистика. Според опозицијата и противниците на Ердоган, официјалните бројки се значително потценети и не ја одразуваат реалноста.

И покрај намалениот ДДВ за основните прехранбени производи во земјава, денеска се планирани протести поради високите цени во земјата.

www.slobodenpecat.mk

Претходно

296 сообраќајни прекршоци во Скопје

Следно

Разговор со Камелија Јаневска од „Клуб за читање книги“: Читањето е место каде што се чувствуваш како да си дома

Latest from Blog

MacedonianEnglishAlbanian