Со летот од Софија долетаа и други проблеми – кој има предност, реагираат ЗНМ и ССНМ

2 mins read

Здружението на новинари на Македонија (ЗНМ) и Самостојниот синдикат на новинари и медиумски работници (ССНМ) реагираат дека група новинари, фоторепортери и сниматели, иако уредно поканети и акредитирани  за следење на денешниот настан на Скопскиот аеродром, биле неприфатливо  третирани и попречени да известуваат од страна на службите за обезбедување.

– Додека се одвиваше промоцијата на авионската линија Скопје – Софија, претставници на домашните медиуми беа дистанцирани на стотици метри од настанот без можност да земат изјава, ниту, пак, да документираат кадри од случувањата. Во исто време сниматели кои се вработени во владините институции, како и новинари од Бугарија, имале пристап до самиот авион по слетувањето, како и до претставници од делегацијата, наведуваат ЗНМ и ССНМ во реакцијата.

Тие укажуваат на потребата да се сфати дека  медиумските екипи на настан се на задача со цел да известуваат во име на јавноста и дека организаторите на настанот треба да обезбедат соодветни услови за работа.

-Од друга страна, владините сниматели и службеници за медиуми не смеат да имаат привилигиран статус, бидејќи на тој начин стануваат конкуренција на медиумите, а тоа може да го наруши и правото на информирање на граѓаните, реагираат здружението и синдикатот на новинарите.

Додаваат и дека домашните медиуми за овој настан имале добиено уредна покана од Министерство за транспорт и врски и потсетуваат дека ова не е прв ваков случај на Скопскиот аеродром.

-Пред извесно време на настан поврзан со пристигнувањето на бегалци од Авганистан владини службеници снимаа видеа и ги емитуваа на социјални мрежи додека новинарските беа дистанцирани и попречени да ја работат својата работа, се наведува во реакцијата на ЗНМ и ССНМ.

 

www.slobodenpecat.mk

Претходно

Покетино: Мбапе одлучува после дуелот со Реал Мадрид во ЛШ

Следно

Јанкулоска, Јанакиески и Протуѓер признаа вина за „Титаник“

Latest from Blog

MacedonianEnglishAlbanian