Организаторите на натпреварот за Светски автомобил на годината ја објавија листата на финалисти во потесниот избор за титулата најдобар во светот.
Меѓу кандидатите се и четири електрични автомобили и тоа Audi Q4 e-tron, Ford Mustang Mach-E, Hyundai Ioniq 5 и Kia EV6. Во групата финалисти се и атрактивната Cupra Formentor, луксузната Genesis G70 и новата Toyota GR86 / Subaru BRZ. Листата завршува со Honda Civic, Hyundai Tucson и Lexus NX.
Интересно е што електричните автомобили имаат посебна категорија, а за титулата се борат и покрај горенаведените Audi e-tron GT, BMW iX и Mercedes EQS.
Audi Q5 Sportback, BMW iX, Genesis GV70, Mercedes EQS и Volvo C40 Recharge се борат за луксузен автомобил на годината, додека Audi e-tron GT, BMW M3 / M4, Porsche 911 GT3, Toyota GR86 / Subaru BRZ и Volkswagen Golf GTI / R ќе се борат во категоријата за автомобил со светски перформанси.
