Австрискиот скијач Јоханес Штролц го освои златниот медал во алпска комбинација и ја содаде една од најубавите приказни на Зимските олимписки игри во Пекинг. Имено, Јоханес успеа да го повтори успехот на неговиот татко, Хуберт кој освои златен медал на ЗОИ во Калгари 1988 година. Тие станаа првите татко и син кои освоиле златни медали на Олимписки игри.
It’s a #Gold medal for Johannes Strolz in the Men’s #Alpine Combined.
His father won the same gold medal in the same event at the 1988 Winter Olympics. What a family!#Beijing2022
— Olympics (@Olympics) February 10, 2022
Штролц беше четврти во спустот, но со одлично возење во слаломската трка успеа да триумфира пред Александер Омот Килде кој заостана 59 стотинки, и Канаѓанецот Џејмс Крафорд кој задоцни 68 стотинки.
Јоханес Штролц минатата година испадна од австриската скијачка репрезентација и оттогаш мораше сам да се грижи за подготовките и тренинзите, а исто така и сам да ги подготвува скиите.
Со првата победа во Светскиот куп минатиот месец, Штролц се врати во репрезентацијата и сега во Пекинг дојде до злато во алпска комбинација.
Неговиот татко Хуберт Штролц кој сега има 59 години, никогаш не победил на трка во Светскиот куп, но во Калгари стана олимписки шампион во слалом.
