Пандев: Отсекогаш ми се допаѓала Парма, тука играле многу шампиони

1 min read

Поранешниот македонски репрезентативец Горан Пандев оваа зима одлучи да ја напушти Џенова и да се пресели во италијанската Серија Б настапувајќи за Парма.

Пред четири дена го имаше дебито за неговиот нов клуб во гостинското реми кај Беневенто (0:0).

Моментно во шампионатот Парма се наоѓа на 13 позиција со 25 бодови и следниот меч ќе го има за три дена дома против Порденоне.

– Парма има голема историја и е важен клуб, многу шампиони играле тука. Отсекогаш ми се допаѓала Парма, дури и кога сум играл против нив. Секогаш беа многу тешки натпревари и атмосферата секогаш беше фантастична.

Стадионот е одличен. Сите овие се причините зошто решив да се приклучам и среќен сум што сум тука – вели Пандев за клупскиот сајт и кој се надева дека клубот ќе се најде во плеј-офот во борбата за Серија А.

www.slobodenpecat.mk

Претходно

ВИДЕО | Денес е вистински убавец: Дали се сеќавате на симпатичниот Бебан од „Семејно богатство“?

Следно

Сали: Има пациенти со ковид кои се жртви на пропаганда и теории на заговор

Latest from Blog

MacedonianEnglishAlbanian