Голема полициска акција во Грчец

1 min read

Голема полициска рација имало синоќа во скопски Грчец, а во акцијата учествувала и пазарната инспекција, дознава „Слободен печат“ од извори во истрагата.

Претресуван бил угостителскиот објект „Кава шиша бар“ на познатиот Шеваљ од Грчец.

Кај еден од гостите бил пронајден нож, а поради незаконско работење, објектот бил запечатен.

Од МВР ја потврдуваат акцијата, но детали најавуваат во текот на денот.

Во меѓувреме, МВР известија дека: 

На 05.02.2022 околу 00 часот полициски службеници од Бирото за јавна безбедност-Оддел за криминалистичка полиција и Оддел за специјални полициски операции-Единица за брзо распоредување во координација со Управата за јавни приходи и Државен пазарен инспекторат извршиле контрола во угостителски објект во с. Грчец, скопско. Констатирани се низа неправилности во работењето: угостителскиот објект нема регистрирано правно лице-фирма, немало регистриран фискален апарат, не биле почитувани мерките за справување со Ковид 19, поради што од страна на Државниот пазарен инспекторат објектот е запечатен и изречени се соодветни глоби.

Извршен е преглед на 40 лица и констатирано е присуство на тројца малолетници, за што ќе следуваат соодветни пријави. Исто така, приведено е едно лице кај кое е пронајден нож. За сите незаконитости ќе следуваат соодветни поднесоци.

skopjeinfo.mk

Претходно

ФОТО | Исповед на Наташа Беквалац за трите неуспешни бракови: Несреќата на Данило ме обележа за цел живот!

Следно

ФОТО | Принцот Хари дава совети за работа: Социјалните мрежи гневни, му порачаа да замолчи!

Latest from Blog

MacedonianEnglishAlbanian