Турски воени авиони ги гаѓаа позициите на курдските милиции во Ирак и северна Сирија

1 min read

Турски воени авиони ги ракетираа позициите на курдската милиција, вклучително и кампови за обука, засолништа и складишта за муниција во Ирак и северна Сирија, соопшти денеска турското Министерство за одбрана, пренесе ДПА.

Авионите што учествувааа во овој напад на областите Дерик, Синчар и Карачак, по завршувањето на задачата се вратиле во своите бази, додаде агенцијата.

Британските медиуми јавуваат дека нема податоци за жртви и материјална штета предизвикана во овие напади на турските воздухопловни сили.

Турскиот министер за одбрана, Хуласи Акер, за ДПА изјави дека во операцијата „целосно се уништени засолништата, гнездата, пештерите на терористите”.

Според него, слични рации ќе продолжат „до неутрализирање на последниот терорист”.

Во соопштението на Министерството за одбрана се наведува дека воздушната операција била насочена кон единиците на Курдската работничка партија (ПКК), која има бази во Ирак, како и врз Сириската курдска милиција ИПГ, која Турција ја смета за терористичка организација.

Извор: МИА

www.slobodenpecat.mk

Претходно

Возачи не пропуштаат пешаци, но и пешаците прават прекршоци

Следно

Франција започнува со укинување на мерките против ковид-19

Latest from Blog

MacedonianEnglishAlbanian