Албанија: Уставниот суд започна процес за одлуката на Парламентот за отповикувањето на Мета

1 min read

Уставниот суд на Албанија денеска го започна процесот кој ќе заврши со пресуда за одлуката на Парламентот да го отповика претседателот на државата Илир Мета поради кршење на Уставот.

Одлуката на Уставниот суд е последниот чекор во процесот кој ќе утврдува дали Мета ќе биде сменет или ќе може да остане на функцијата до крајот на неговиот мандат во јули. Засега не се знае кога ќе се произнесе Уставниот суд, а процесот би можел да трае еден месец.

Во јуни минатата година, парламентот гласаше за отповикување на Мета, откако парламентарната истрага заклучи дека албанскиот претседател прекршил 16 члена од Уставот и поттикнал насилство врз владејачките социјалисти за време на кампањата за парламентарните избори на 25 април. Мета ја осуди истрагата и одлуката на парламентот за отповикување, тврдејќи дека тие се незаконски.

www.slobodenpecat.mk

Претходно

Се расчистува снегот во општина Кисела Вода

Следно

СЗО: Постепено да се ублажуваат епидемиолошките мерки

Latest from Blog

MacedonianEnglishAlbanian