Сали ги покани Даниловски, Пановски и Марковски да бидат членови на Комисијата за заразни болести

1 min read

Министерот за здравство Беким Сали упати јавна покана до докторите Драган Даниловски, Никола Пановски и Вело Марковски да бидат дел од новата Комисија за заразни болести

По преземањето на функцијата од Венко Филипче, Сали најави дека ќе го прошири составот на ова советодавно тело, а во попладневното обраќање преку социјалните мрежи вели дека непобитен факт е дека сегашните околности бараат засилено и координирано дејствување врз основа на стручни и реалистични проценки.

„Оттука, како министер најавував дека промените во ова тело ќе бидат во насока на проширување и дополнување на неговиот состав, со нови, професионални, кадри од повеќе области. Заради ефективност и успешност на овој процес, би сакал јавно да ги поканам и угледните професори д-р Драган Даниловски, д-р. Никола Пановски и д-р Вело Марковски да се приклучат како членови на Комисија за заразни болести и со тоа да придонесат во нејзината работа. Чест и задоволство ми е јавно да го упатам повикот до овие експерти врз основа на внимателното следење на јавната дебата околу нивното можно вклучување во Комисијата за заразни болести. Гласот на науката е клучен во борбата против ковид-19. Да го искористиме на најдобриот начин“, повика Сали.

Доколку не можат да бидат дел од Комисијата, Сали им предлага да станат дел од неговиот тим на советници.

www.slobodenpecat.mk

Претходно

Федерер: Честитки до Рафа, пред само неколку месеци се пошегувавме дека јас и тој сме на патерици!

Следно

Според Бектеши со новата одлука недела неработен ден, 92 отсто од вработените имаат слободно време

Latest from Blog

MacedonianEnglishAlbanian