Мета тврди дека демонстрантите на протестот пред 11 години „биле убиени” од Рама и Баша

1 min read

Албанскиот претседател Илир Мета за крвавите демонстрации што се случија во јануари пред 11 години, во кои беа убиени четири лица, за главни виновници ги посочи Еди Рама, тогаш во опозиција, и Љуљзим Баша, тогашен министер за внатрешни работи.

Гостуваjќи во емисијата “Now” Мета кажа дека четворицата демонстранти „се убиени од Рама и Баша”.

Тој во емисијата додал дека претходно бил информиран оти на протестот оранизиран од опозициската Социјалистичка партија за 21 јануари 2011 година ќе бидат извршени убиства.

– Наутро ми ѕвони домашниот телефон. Доаѓа вест од мој стар пријател од странство. Ми вели дека во оваа ситуација оценува дека се планираат убиства, изјавил Мета, пренесен од АБЦњуз.

Веднаш по оваа информација тој го информирал Сали Бериша, дека Рама и Баша планираат да убиваат луѓе на протестот.

– Отидов кај Бериша, тогаш премиер и му реков дека треба да побара од обвинителството да го испита ова прашање, бидејќи тие планираат да убиваат луѓе на протестот, изјави Мета.

Во време кога беше организиран протестот на власт беше Демократската партија, чиј лидер беше Бериша, во коалиција со Движењето за социјалистичка интеграција на Мета.

www.slobodenpecat.mk

Претходно

Ќе ги затвориме РЕК Битола и РЕК Осломеј најдоцна до 2030 година за да го намалиме загадувањето, вели Нуредини

Следно

Ќе има уште еден пад на Bitcoin пред да видиме значителни добивки, вели аналитичар

Latest from Blog

MacedonianEnglishAlbanian