„Да го испратиме со песна нашиот Аки“ – последна почит на Градскиот плоштад во Скопје

1 min read

На Градскиот плоштад во Скопје медиумски и музички работници денеска ќе му оддат последна почит на Аки Рахимовски, еден од најдобрите рок-вокалисти во регионот.

Кај тревникот пред „Пелистер“ во 13:00 часот ќе биде отворена Книга на жалост и ќе се слушаат неговите песни. Сите пријатели и обожаватели на Аки ќе можат да положат цвеќе или да запалат свеќа. Главното собирање е предвидено попладне, од 18:00 до 19:30 часот, кога хорови, пејачи и пријатели, заеднички, за збогување, ќе отпејат некои од најголемите хитови на „Парни ваљак“.

Оддавањето последна почит под мотото „Да го испратиме со песна нашиот Аки“ го организира радио „Бубамара“ со поддршка КЛС Саунд и Град Скопје, ден пред погребот на музичката мега ѕвезда во Загреб.

На Градскиот плоштад ќе може да се слушне и песната „Ако згрешам, нека изгорам“ на Пепи Бафтировски која Аки во клавирска придружба ја сними пред пет години во студиото на „Тавитјан брадерс“. Тоа е неговата последна снимка кај нас. Неделава, оваа песна се емитува како хит на „Бубамара“.

Аки Рахимовски преку четири децении беше пејач на „Парни ваљак“. Почина на 22 јануари 2022 година. Зад себе остави хитови со кои раснеа многу генерации.  

skopjeinfo.mk

Претходно

ВИДЕО | Пендаровски: Државите ја имаат главната одговорност во заштитата на бегалците и човековите права

Следно

ВИДЕО | Новак приреди голема забава за својата мајка: По драмата во Австралија семејството Ѓоковиќ повторно заедно

Latest from Blog

MacedonianEnglishAlbanian