Целосно е исчистена дивата депонија на кејот на Вардар во Гази Баба

1 min read

Екипите на Град Скопје вчера завршија со чистење и целосно е исчистена дивата депонија кај кејот на реката Вардар во општина Гази Баба, која зафаќаше површина од над 13.000 квадратни метри. Собрани се над 4.000 кубни метри комунален отпад и градежен шут што секојдневно ја загадуваше животната средина и го загрозуваше здравјето на жителите од оваа општина.

Градот Скопје интензивно работи на чистење на депонии во населбата Лисиче, Ново Село во општина Ѓорче Петров, како и целосно чистење на дива депонија во населено место Брњарци, општина Гази Баба, информираат оттаму. 

Чистење на сите диви депонии во Скопје е приоритет, со цел превенција на загадување на воздухот, почвата и водите и заштита на здравјето на граѓаните. Ги охрабруваме граѓаните да се вклучат во оваа акција на Градот, со тоа што ќе пријавуваат диви депонии, но пред се, да бидеме совесни граѓани кои се однесуваат еколошки одговорно и се грижат за својот град и за животната средина, додаваат надлежните.  

skopjeinfo.mk

Претходно

ВИДЕО | Мицевски: Новиот премиер ако сакаше легитимитет требаше да побара нови избори

Следно

ВИДЕО | Пленковиќ ѝ се извини на Украина поради изјавата на Милановиќ

Latest from Blog

MacedonianEnglishAlbanian