Американската амбасадорка во ОН: Руска инвазија на Украина би ја отворила Пандорината кутија

1 min read

Постојаната претставничка на Соединетите Американски Држави во Обединетите нации Линда Томас Гринфилд изјави дека руската закана за Украина е многу поголема од украинскиот проблем и предупреди дека евентуална руска инвазија „ќе ја отвори Пандорината кутија“.

На прес-конференција Гринфилд ја обвини Русија дека покрај воените активности извршува кибер напади, паравоени активности и кампањи за дезинформација.

Наведувајќи дека „руските активности против Украина не се само регионални“ и дека заканата за Украина е многу поголема од украинскиот проблем, Гринфилд предупреди дека „инвазијата би ја отворила Пандорината кутија“.

– Гледаме дека 127.000 војници се распоредени на границата. Русите, исто така, испратија војници и во Белорусија, рече Гринфилд, пренесува Анадолија.

Наведувајќи дека продолжуваат со напорите за дипломатско решение на украинско-руската криза, Гринфилд рече дека ќе бидат воведени „агресивни санкции“ кон Русија во случај на инвазија.

kurir.mk

Претходно

Снегот предизвика хаос во Атина, прогласен неработен ден

Следно

Дневен хороскоп за 25 јануари: Среќата ќе биде вашиот најголем пријател денес

Latest from Blog

MacedonianEnglishAlbanian